kahi pe jhoot hai kahi pe loot hai
kahi pe hai daga toh kahi phoot hai
bade kathin hai mod iss raah ke
haan jispar tu naya rang roop hai
umeed jis zindagi ki thi
kahi dikhti nahi woh kahi goor hai
agar tujhmein dam toh phir kya hai gam
ke bas badhta chal tu bedhadak
kachchi sadak

khud ka hi tu khud hatiyaar ban
ke ek do dhaari talwaar ban
kaate katein nahi maare meeten nahi
aisa behakta angaar ban
chahe ho dosti chahe ho dushmani
dono ko tu nibha jamke bejhijak
agar tujhmein dam toh phir kya hai gam
ke bas badhta chal tu bedhadak
kachchi sadak

bhatkna nahi behkna nahi
ke ek baat samajh le dhyaan se
jo tu nikal pade toh aaisa lage
ke nikla koi teer kamaan se
ke tere naam ki haan tere kaam ki
charcha faili milon talak
agar tujhmein dam toh phir kya hai gam
ke bas badhta chal tu bedhadak
kachchi sadak

socha tha raah mein khilenge phool
lekin hai yahaan kaanten bichhe
chaha tha chalna purab ki aur
ulta paschhim ki taraf khinche
koi bhi ho disha koi bhi ho jagah
inn baaton se padta hai kya farak
agar tujhmein dam toh phir kya hai gam
ke bas badhta chal tu bedhadak
kachchi sadak

jo bhi julm hue jo bhi sitam hue
tu yeh soch ke tujhpe hai kam hue
rone bilakhne chillane se
hai kab durr zamane ke gam hue
kitni bhi ho dukhbhari dastaan
utarti nahi duniya ke halak
magar tujhmein dam toh phir kya hai gam
ke bas badhta chal tu bedhadak
kachchi sadak