main tuti hui ek naiya hu, mujhe chaahe jidhar le jaao
main tuti hui ek naiya hu, mujhe chaahe jidhar le jaao
jee chaahe dubo do maujo me ya saahil par le jaao
main tuti hui ek naiya hu, mujhe chaahe jidhar le jaao

ek tum hi sahara ho mera, jivan ki andheri raato me
duniya ki khushi taqdir ka gum, sab kuch tumhare hatho me
ab chaahe idhar le jaao mujhe ya chaahe udhar le jaao
main tuti hui ek naiya hu, mujhe chaahe jidhar le jaao

maayus najar majbur kadam, ujadaa hua aalam hai dil ka
jina bhi yeh koi jina hai, muh dekh saku na manzil ka
bite hue din mil jaaye jaha, mujhe aisi dagar le jaao
ho mujhe aisi dagar le jaao
main tuti hui ek naiya hu, mujhe chaahe jidhar le jaao

aansu na bahaao mere liye, ghum mujhko akele sehne do
tute na tumhara najuk dil, yeh dard mujhi tak rehne do
ab chhod do mujhko raaho me ya dur nagar le jaao
ya dur nagar le jaao
main tuti hui ek naiya hu, mujhe chaahe jidhar le jaao