niraas me aas prabhu meraa
duhkh ke din se kyo dar jaa_un
hansate hansate kyo na bitaa_un
kab tak meri duniyaa ko
barabaad karegaa adheraa
niraas me aas prabhu meraa

kabhi to aansu hansi banege
kabhi to apane din bhi phirege
kabhi to meri dard bhari
raato kaa hogaa saveraa
niraas me aas prabhu meraa

ye voh aas hai jo nahi tute
is kaa sahaaraa kabhi na chhute
dubanevaalo kaa bhi is ne
paar kiyaa hai bedaa
niraas me aas prabhu meraa