bhatke kadam yeh mere
phirte hai sanjh savere
dhundhe anjani galiya aur raste
har ek naya woh manzar
qaid aankho ke andar
chote se dil ki choti si hai chahate
hai anjani, yeh duniya saari
har din thoda sa jaan lu zara
rahi rahi sunle meri kahani
panv zameen par nazar aasman me
rahi rahi sunle meri kahani
thodi uljhi si thodi thodi deewani

har mod alag, har raah alag
har chaal ke peeche raaz alag
har dhoop alag, har chaanw alag
hai alag hai yaha
har sur hai alag, har taal alag
har rang ka hai yaha saaz alag
zameen falak bhi toh kitne alag hai
alag hai yaha

hai paheli yeh duniya saari
har din thoda sa suljha lu zara
rahi rahi sunle meri kahani
panv zameen par nazar aasman me
rahi rahi sunle meri kahani
thodi uljhi si thodi thodi deewani

lamha hai badla badla hai mausam
kal tha satrangi ab hai kyu gumsum
o raahi raahi kya teri marji
likh de tu apni taqdeer
hai pal bhar ki ye duniya saari
har din thoda sa ise ji lu jara
rahi rahi sunle meri kahani
panv zameen par nazar aasman me
rahi rahi sunle meri kahani
thodi uljhi si thodi thodi deewani